కుప్పకూలిన గోల్కొండ కోట

0
193

భారీ వర్షాలతో చిగురుటాకులా వణికిపోయిన భాగ్యనగరం మూడు రోజుల తర్వాత ఇప్పుడిప్పుడే సాధారణ స్థితికి చేరుకుంటోంది. హైదరాబాద్‌లో ఇప్పటికీ అనేక కాలనీలు వరద నీటిలోనే ఉన్నాయి. దాదాపు 30 మందికి పైగా మృతి చెందినట్లు ప్రాధమిక అంచనా. ఎన్నో ఇళ్లు వరద ధాటికి తట్టుకోలేక నేలమట్టమయ్యాయి. తాజాగా భారీ వర్షాలకు గోల్కొండ కోటలోని గోడ కుప్పకూలింది. కోటలోని శ్రీ జగదాంబికా అమ్మవారి ఆలయం ముందున్న దాదాపు 20 అడుగుల ఎత్తయిన గోడ కూలిపోయింది. కొవిడ్‌ నేపథ్యంలో పర్యాటకుల తాకిడి తక్కువగా ఉండటంతో ప్రమాదం తప్పింది.

పది నెలల క్రితమే ఈ గోడపైన ధ్వంసమైన బురుజులకు పురావస్తుశాఖ అధికారులు మరమ్మతులు చేయించారు. అయితే ప్రహరీ కింది భాగంలో అప్పటికే పగుళ్లు వచ్చినా వారు పట్టించుకోలేదు. దీంతో ఇటీవల కురిసిన భారీ వర్షాలకు నాని ఆ గోడ కుప్పకూలింది.

హైదరాబాద్‌లో ప్రముఖ చారిత్రక స్థలాల్లో గోల్కొండ కోట ఒకటి. గొల్ల కొండ నుంచి గోల్కొండ కోటగా రూపాంతరం చెందింది. ఈ కోట మొత్తం ఒక 120 మీ. ఎత్తయిన నల్లరాతి కొండ మీద కట్టారు. కోట రక్షణార్ధం దాని చుట్టూ పెద్ద బురుజు కూడా నిర్మించారు. 1083 A.D. నుండి 1323 A.D. వరకు కాకతీయులు గోల్కొండను పాలిస్తూ ఉండేవారు. 1507 నుండి 62 ఏళ్లపాటు గోల్కొండ కోటను కుతుబ్ షాహీ వంశస్తులు నల్లరాతి కోటగా తయారు చేశారు. కోట బురుజులతో సహా ఇది 5 కి.మీ. చుట్టుకొలత కలిగి ఉంది. గోల్కొండలో కుతుబ్ షాహీ వంశస్తుల పాలన 1687 లో ఔరంగజేబు విజయంతో అంతమయ్యింది.

LEAVE A REPLY

Please enter your comment!
Please enter your name here